FAQs Complain Problems

सुचना तथा समाचारः

इस्मा गाउँपालिकाको सन्क्षिप्त परिचय

  संघिय लोकतान्त्रीक गणतन्त्रात्मक शासन व्यवस्था रहेको दक्षिण एसियाली भूपरिवेष्ठीत प्राकृतिक, सांस्कृतिक, जातिय, धार्मिक एवं राजनीतिक विविधता विचको एकता भएको सुन्दर देश नेपालको ५ नं.  प्रदेश अन्तरगत गुल्मी जिल्लाको उत्तर पश्चिम क्षेत्रमा अवस्थित इस्मा गाउँपालिका ऐतिहासिक पृष्ठमूमिवाट नामाकरण भएको क्षेत्र हो । वाईसे चौविसे राज्यहरु अन्तरगत इस्मा प्रारम्भमा ७०० कुरिया र २४ मौजाले वनेको थियो । शुरुवाति समयमा यस राज्यमा अज्र्याल जातीको शासन रहेको थियो भने गोरखा राज्यमा विलय हुनुपुर्व ठकुरी जातिको शासन रहेको इतिहासमा पाउन सकिन्छ । वि.सं. २०७२ साल असोज ४ गते इस्मा राज्य गोरखा राज्यमा विलय भएको थियो ।
वि.सं. २०७२ साल असोज ३ गते जारी भएको नेपालको संविधानले व्यवस्था गरेको स्थानिय सरकारको अवधारणा वमोजिम ७५३ स्थानिय तह मध्ये इस्मा गाउपालिका पनि एक हो । यस गाउपालिकाको पुर्वमा मुसिकोट र रेसुङ्गा नगरपालिका, दक्षिणमा धुर्कोट गाउपालिका, पश्चिममा धुर्कोट र मालिका गाउपालिका र उत्तरमा मुसिकोट नगरपालिका रहेका छन् । यस गाउँपालिकामा ६ वटा वडाहरु रकेका छन् । जसमा साबिकको हस्तिचौर गा.वि.स. लाई २ वटा वडा १ र २ मा विभाजन गरिएको छ भने दर्लामचौर, दोहोली, इस्मा रजस्थल, अमरपुर गा.वि.स. हरुलाई क्रमश ३,४,५,६ वडाहरुमा विभाजन गरिएको छ । 
यस गाउँपालिकाको कुल क्षेत्रफल ८१.८८ वर्ग कि.मी. रहेको छ भने यहाँको जनसंख्या महिला १२०५६ र पुरुष ८९०८ गरि जम्मा २०९६४(श्रोत के.त.वि.) रहेको छ । यसको औषत उचाई समुन्द्री सतहवाट १५०० मी रहेको छ । साविक इस्मा रजस्थल गा.वि.स.को कार्यालय रहेको स्थानमा अस्थायि कार्यालय स्थापना गरी दैनिक सेवा प्रवाह गरिरहेको छ ।